II Concurso de spots publicitarios

Mércores, 10 de Febreiro do 2010

A Confederación de Centros Xuvenís Don Bosco (entidade da que somos membros), dentro da súa proposta de educación para a saúde, convoca o II Concurso de creación de Spots publicitarios para a sensibilización e prevención do consumo de drogas en moz@s de 14 a 18 anos. Demostra a túa creatividade e participa.

Coa lema "Protagonízate" a Confederación Don Bosco pretende dar a coñecer o traballo de novos talentos que, a través dun medio tan creativo como o publicitario, queiran colaborar e participar en tarefas de sensibilización e prevención en materia de drogodependencias, especialmente da cocaína, o alcol e o cánnabis.

Mª Anxos Martínez Moura, Presidenta da Confederación Don Bosco engade: "Tras o éxito da primeira edición de Concurso Protagonízate, queremos proporcionar á poboación xuvenil información sobre os riscos asociados ao uso de drogas en espazos recreativos. Queremos xerar un espazo de participación entre os propios novos cunha linguaxe tan directa como o publicitario."

Premio

O premio consistirá nunha cámara de vídeo para o grupo gañador, 5 Ipod para os membros do grupo e unha viaxe con visita guiada aos estudos cinematográficos na Cidade da Luz de Alacante. Ademais a lema que represente ao Anuncio seleccionado será utilizado na próxima campaña de prevención da Confederación Don Bosco. O anuncio gañador será editado nun DVD xunto con aqueles que, polas súas características sexan tamén seleccionados polo xurado. Ao anuncio publicitario gañador acompañaráselle dun material didáctico para traballar a prevención do consumo de drogas.